İDMAN


“Arsenal”ın qapıçısı: Əsas hədəfimiz UEFA Avropa Liqasının Bakıdakı final matçının qalibi olmaqdır

Bakı, 22 may, AZƏRTAC

“Arsenal”ın çexiyalı qapıçısı Petr Çex “Çelsi” futbol klubuna qayıtması ilə bağlı yayılan iddialara münasibət bildirib.

AZƏRTAC xəbər verir ki, qapıçı karyerasını başa vurduqdan sonra “Çelsi”də idman direktoru vəzifəsində çalışacağı ilə bağlı yayılan xəbərlərə konkret fikir bildirməyib.

“Gələcək planlarımla bağlı qərarı UEFA Avropa Liqasının Bakıda keçiriləcək final oyunundan sonra verəcəyəm. İndi əsas hədəf Bakıda “Arsenal” ilə UEFA Avropa Liqasının qalibi olmaqdır”, deyə çexiyalı qolkiper “Twitter”dəki səhifəsində yazıb.

Qeyd edək ki, 36 yaşlı qapıçı Bakıdakı finaldan sonra karyerasını başa vuracağını açıqlayıb. P.Çex 2004-2015-ci illərdə “Çelsi”nin idman şərəfini qoruyub. O. “zadəganlar”ın heyətində 15 titulun sahibi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.