DÜNYA


Avropa İttifaqı Serbiya və Monteneqronu koronavirusdan təhlükəsiz ölkələr siyahısından çıxarıb

Belqrad, 14 iyul, AZƏRTAC 

Avropa İttifaqı Serbiya və Monteneqronu koronavirusa az yoluxmuş ölkələr siyahısından çıxarıb. Bu barədə qərar iyulun 14-də qəbul olunub.

AZƏRTAC xəbər verir ki, Avropa İttifaqı sözügedən ölkələrin vətəndaşlarının birliyə daxil olan ölkələrə sərbəst giriş-çıxışlarını yenidən məhdudlaşdırır və buna səbəb kimi həmin ərazilərdə koronavirusa yoluxma sayının yenidən artdığını göstərir. Yenilənmiş siyahı sabah dərc olunacaq. Lakin Aİ-yə daxil olan 27 ölkə bu siyahıya əməl etmək məcburiyyətində deyil.

Siyahıya daxil 14 qeyri-birlik ölkəsinin vətəndaşları Aİ-yə daxil ölkələrə karantin tətbiq olunmadan giriş-çıxış imkanına malik idilər. Siyahı həmin ölkələrdəki epidemioloji göstəricilərə əsasən yenilənir.

Hazırda Əlcəzair və Mərakeşin də həmin siyahıdan çıxarılması barədə müzakirələr aparılır.

Serbiya və Monteneqronun siyahıdan çıxarılmasından sonra orada hələlik Əlcəzair, Avstraliya, Kanada, Çin, Gürcüstan, Yaponiya, Mərakeş, Yeni Zelandiya, Ruanda, Cənubi Koreya, Tailand, Tunis və Uruqvay qalır.

Çinin də adının siyahıda olmasına baxmayaraq, ora uçuşlar yalnız ikitərəfli əsasda açıla bilər. Digər ölkələrə belə qayda şamil olunmayıb.

Aygün Əliyeva

AZƏRTAC-ın xüsusi müxbiri

Belqrad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.