DÜNYA


“Avropa Sülh Fondu” Gürcüstanın Müdafiə Qüvvələrinə 12,75 milyon avro yardım göstərəcək

Tbilisi, 3 dekabr, AZƏRTAC

“Avropa Sülh Fondu” Gürcüstanın Müdafiə Qüvvələrinə 12,75 milyon avro həcmində maliyyə yardımı göstərəcək.

AZƏRTAC xəbər verir ki, bununla bağlı Avropa İttifaqı qərar qəbul edib. Qərara əsasən bu yardım Gürcüstan Müdafiə Qüvvələrinin döyüş qabiliyyətini, eləcə də böhran və ya fövqəladə vəziyyətlərdə mülki əhaliyə xidmət göstərmək imkanlarını genişləndirəcək.

Aİ-nin xarici əlaqələr bölməsindən bildirilib ki, 12,75 milyon avro həcmində vəsait Gürcüstana 36 ay ərzində təqdim olunacaq.

Sənəddə qeyd edilir ki, yardım əsasında ölkənin müdafiə qüvvələri tibbi və mühəndis avadanlığı, həmçinin, mülki nəqliyyat vasitələri ilə təmin ediləcək.

Aİ-nin qərarına əsasən Moldova 7 milyon, Ukrayna 31 milyon, Mali isə 24 milyon avro yardım alacaq.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.