SİYASƏT


Azərbaycan-BƏƏ əməkdaşlığı bütün sahələrdə uğurla inkişaf edir

Əbu-Dabi, 9 yanvar, AZƏRTAC

Azərbaycanın Birləşmiş Ərəb Əmirliklərinin Dubay şəhərindəki baş konsulu Cavidan Hüseynov Dubay bələdiyyəsinin baş direktoru Davud Əl-Haciri ilə görüşüb.

AZƏRTAC xəbər verir ki, baş konsul Cavidan Hüseynov Azərbaycanla BƏƏ arasında qarşılıqlı faydalı əməkdaşlığın bütün sahələrdə uğurla inkişaf etdiyini və hər iki ölkə rəhbərliyinin siyasi iradəsi və əzmi sayəsində ikitərəfli əlaqələrimizin ildən-ilə daha da genişləndiyini diqqətə çatdırıb.

C.Hüseynov, həmçinin son illərdə Azərbaycanda bütün sahələrdə sürətli inkişafın getdiyini bildirib və D.Əl-Hacirini ölkəmizə səfərə dəvət edib.

Dubay bələdiyyəsinin baş direktoru Davud Əl-Haciri daha əvvəl iki dəfə Azərbaycanda olduğunu qeyd edib, 2017-ci ildə Birləşmiş Ərəb Əmirliklərinin Milli Olimpiya Komitəsinin baş katibinin köməkçisi olarkən Bakı şəhərində təşkil olunmuş İslam Həmrəyliyi Oyunları çərçivəsində ölkəmizə səfər etdiyini bildirib. D.Əl-Haciri fürsət yarandığı təqdirdə ölkəmizə yenidən səfər edəcəyini diqqətə çatdırıb.

Görüşdə qarşılıqlı maraq kəsb edən müxtəlif mövzular müzakirə edilib.

 

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.