ELM VƏ TƏHSİL


Azərbaycan Dövlət İqtisad Universitetində təkrar ali təhsilə sənəd qəbulunun müddəti uzadılıb

Bakı, 31 iyul, AZƏRTAC

Azərbaycan Dövlət İqtisad Universitetində (UNEC) 2021/2022-ci tədris ilində təkrar ali təhsil almaq üçün sənəd qəbulunun müddəti sentyabrın 1-dək uzadılıb.

UNEC-dən AZƏRTAC-a bildirilib ki, iqtisadiyyat, texniki və texnoloji ixtisaslar üzrə bakalavr pilləsində ümumilikdə 22 ixtisasa təkrar ali təhsil üzrə ödənişli əsaslarla tələbə qəbulu aparılır. UNEC-in Zaqatala filialında isə qəbul 7 ixtisas üzrə həyata keçirilir.

Qəbul olmaq istəyənlər tələb olunan sənədləri yalnız elektron qaydada təqdim edir və müvafiq tələblərə cavab verdikləri halda təkrar ali təhsil almaq hüququ qazanırlar. Onlar üçün vəziyyət nəzərə alınmaqla tədrisin distant formada təşkili istisna olunmur.

Qeyd edək ki, 1993-cü ildən sonra xarici ölkələrdə ali təhsil almış şəxslər yalnız diplomları mövcud qaydada Təhsil Nazirliyi tərəfindən tanındıqdan sonra universitetdə təkrar ali təhsil ala bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.