SİYASƏT
Azərbaycanın xarici işlər naziri ATƏT-in Minsk qrupunun amerikalı həmsədri ilə görüşüb
Bakı, 24 sentyabr (AZƏRTAC). Xarici işlər naziri Elmar Məmmədyarov Nyu-Yorkda ATƏT-in Minsk qrupunun ABŞ-dan olan həmsədri Ceyms Uorlik ilə görüşüb.
Nazirliyin mətbuat xidmətindən AZƏRTAC-a bildiriblər ki, görüşdə Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində müzakirələr aparılıb.
Nazir Elmar Məmmədyarov Azərbaycanın mövqeyini bir daha vurğulayıb və münaqişənin həlli üçün ilk növbədə Ermənistan qoşunlarının işğal olunmuş Azərbaycan ərazilərindən çıxarılmalı olduğunu deyib.