MƏDƏNİYYƏT


Azərbaycanlının nağıl kitabı ABŞ-da bestsellerə çevrilib

Bakı, 22 oktyabr, AZƏRTAC

ABŞ-ın https://coralspringstalk.com xəbər portalında İrandan bu ölkəyə mühacirət etmiş Azərbaycan türkü Dərya Hodainə həsr olunmuş “Koral-Sprinqsdəki uşaq kitabları müəllifi Hellouin haqqında bestseller nağılı dərc edib” sərlövhəli məqalə yerləşdirilib.

Diasporla İş üzrə Dövlət Komitəsindən AZƏRTAC-a bildiriblər ki, məqalədə Dərya Hodainin multikultural dəyərlərdən bəhs edən “Jirtdan”s Halloween” (Cırtdanın Helloini) kitabı sentyabr ayında “Amazon” onlayn satış platformasında birinci yeri tutduğu qeyd edilib. Əsərdə balaca oğlanın və yoldaşlarının “Disneylənd”dəki sərgüzəştləri qələmə alınıb.

Azərbaycan türkü olaraq İranda doğma dildə təhsil ala bilmədiyinə diqqəti cəlb edən Dərya xanım bildirib ki, 6 il öncə Birləşmiş Ştatlara köçdükdən sonra Azərbaycan mədəni irsinə bu ölkədə marağı hiss edib. Dərya Hodainin növbəti kitabı “Heyvanlar haqqında maraqlı faktlar” adlanır. Oxucular tezliklə bu kitabı “Amazon” onlayn platforması vasitəsilə əldə edə biləcəklər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.