“Azərmarka” “Qoruqlar–2018. Qarayazı dövlət təbiət qoruğu” adlı poçt vərəqini tədavülə buraxıb

Bakı, 11 fevral, AZƏRTAC

“Azərmarka” MMC Regional Rabitə Birliyi ölkələrinin birgə buraxılışı “Qoruqlar – 2018. Qarayazı dövlət təbiət qoruğu” adlı poçt vərəqini tədavülə buraxıb.

MMC-dən AZƏRTAC-a bildirilib ki, orijinal poçt vərəqi 6 markadan ibarətdir. Kiçik vərəqin ölçüsü 151x144 millimetr, markanın ölçüsü isə 37x52 millimetrdir. Vərəqə daxil olan markaların qiyməti belədir: Texas ağacdələni - 0.2 AZN, qaratoyuq - 0.3 AZN, Hildebrandt sığırçını - 0.6 AZN, adi sığırçın - 0.2 AZN, qırqovul - 0.3 AZN, şanapipik - 0.6 AZN.

Vərəqlərin ümumi tiraji 10 min nüsxə təşkil edir. Həmçinin 200 ədəd “Birinci gün” zərfləri də hazırlanıb. Poçt buraxılışı “Bobruysk Integrated Printing House” çap evində işiq üzü görüb.