ELM VƏ TƏHSİL


Bakı Dövlət Universitetində tədbir: Şuşasız 27 il

Bakı, 8 may, AZƏRTAC

Bakı Dövlət Universitetində (BDU) “Şuşasız 27 il” mövzusunda tədbir keçirilib.

BDU-dan AZƏRTAC-a bildirilib ki, rektor Elçin Babayev Azərbaycanın mədəniyyət paytaxtlarından olan Qarabağın incisi Şuşa şəhərinin işğalından və ermənilərin Azərbaycan xalqının başına gətirdiyi faciələrdən danışıb, günahsız insanların öldüyünü, dinc əhaliyə qarşı edilən vəhşilikləri ürəkağrısı ilə yada salıb.

İtirilmiş torpaqlarımızın işğaldan azad ediləcəyinə, ərazi bütövlüyümüzün bərpa olunacağına əminliyini ifadə edən rektor Bakıda keçirilmiş V Ümumdünya Mədəniyyətlərarası Dialoq Forumunda ISESCO-nun baş direktoru Əbdüləziz bin Osman əl-Tuveycrinin ölkəmizin ərazi bütövlüyü barədə çıxışını yada salıb, onun dünya ictimaiyyətinə Azərbaycanın mövqeyini dəstəkləyən çağırış etdiyini vurğulayıb.

Çıxışının sonunda rektor şəhidlərimizin qanının yerdə qalmayacağına, Şuşanın füsunkar gözəlliklərini yenidən vəsf edəcəyimizə inandığını bildirib.

Sonra şəhidlərin ruhu bir dəqiqəlik sükutla yad edilib, Şuşa haqqında videoçarx nümayiş olunub.

BDU-nun dosenti Atamoğlan Məmmədli Şuşa şəhidlərinin qəhrəmanlıq tarixçəsindən, şəhərin müdafiəsində hərbçilərimizin göstərdikləri fədakarlıqlardan danışıb, girovluqdan qayıdan şəxslərin, komandirlərin ifadələrini yada salıb. Şuşada tarixi abidələrimizin vəhşicəsinə məhv edildiyini bildirən A.Məmmədli bu qədim diyarın yenidən mədəniyyət beşiyi olacağına əmin olduğunu bildirib.

Tədbir tələbələrin təqdimatında şəhid anası obrazını canlandıran kiçik tamaşa və “Qarabağ şikəstəsi” ilə yekunlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.