ELM VƏ TƏHSİL


Bakı məktəblilərinin birinci forumu keçirilib VİDEO

Bakı, 12 iyun, AZƏRTAC

İyunun 12-də Nizami Kino Mərkəzində Bakı Şəhəri üzrə Təhsil İdarəsinin (BŞTİ) təşkilatçılığı ilə Bakı məktəblilərinin birinci forumu keçirilib.

AZƏRTAC xəbər verir ki, forumun təşkil olunmasının əsas məqsədi “Ümumi təhsildə keyfiyyət ili” çərçivəsində istedadlı şagirdlərlə aparılan işin əhatə dairəsini genişləndirmək, gənc nəslin düzgün istiqamətdə formalaşmasına töhfə vermək, onların intellektual inkişafını diqqət mərkəzində saxlamaq, istedad və qabiliyyətlərini inkişaf etdirməkdir.

Tədbir dövlət himninin səsləndirilməsi ilə başlanıb.

BŞTİ-nin müdiri Məhəbbət Vəliyeva istedadlı şagirdlərin vaxtında aşkara çıxarılması, onların həvəsləndirilməsi, yaradıcılığa və elmə maraqlarının artırılması, nəzəri və təcrübi biliklərinin təkmilləşdirilməsi, şagirdlərin məntiqi biliklərinin möhkəmləndirilməsi, onlara beynəlxalq və yerli olimpiadalarda iştirak təcrübəsinin qazandırılması baxımından son illərdə əldə olunmuş nailiyyətlərdən danışıb.

M.Vəliyeva 2017-2018-ci tədris ilində BŞTİ-nin tabeliyindəki təhsil müəssisələri şagirdlərinin həm ölkə, həm də beynəlxalq səviyyəli müsabiqələrdə böyük nailiyyətlər qazanmasının qürurverici olduğunu söyləyib. İdarə müdiri bundan sonra da bu istiqamətdəki uğurların davamlı olacağını, paytaxt məktəblilərinin bütün sahələrdə ölkəmizi layiqincə təmsil edəcəklərinə əminliyini bildirib.

Daha sonra məktəblilərin ifasında forumun himni səsləndirilib.

Bakı məktəblilərinin birinci forumunda şagirdlərin ifasında zəngin ədəbi-bədii kompozisiyalar nümayiş etdirilib, mahnılar və rəqslər ifa olunub.

Tədbirdə ümummilli lider Heydər Əliyev və Ulu Öndərin siyasi kursunu uğurla davam etdirən Prezident İlham Əliyevin dövlət və xalq üçün göstərdikləri xidmətlərdən, eləcə də elm, təhsil, idman, incəsənət və digər sahələr üzrə yüksək nailiyyətlər qazanmış şagirdlərin uğurlarından bəhs edən videoçarxlar nümayiş olunub.

Sonda Bakı məktəbliləri adından forum iştirakçılarının müraciəti oxunub. Müraciətdə paytaxt məktəblilərini öz ətrafında birləşdirən yeni təşkilatın yaradılması təklifi irəli sürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.