CƏMİYYƏT


Bakı və Bakıətrafı qəsəbələrdə koronavirusdan sağalan 2 minə yaxın şəxs poliklinika nəzarətindədir

Bakı, 30 iyun, AZƏRTAC 

Ev şəraitində nəzarətdə olan xəstələrin statistikasının aparılmasına yeni başlanılıb.

AZƏRTAC xəbər verir ki, bu barədə Səhiyyə Nazirliyinin Aparatının rəhbəri Nadir Zeynalov Nazirlər Kabinetinin yanında Operativ Qərargahın iyunun 30-da keçirdiyi mətbuat konfransında məlumat verib.

COVID-19 xəstəliyindən əziyyət çəkmiş, xəstəxanada müalicə almış xəstələr evə yazılarkən onlara ambulator müalicənin təyin olunduğunu vurğulayan N.Zeynalov deyib: “Bu müalicə sahə həkiminin nəzarəti altında aparılır. Beləliklə, onlar yaşadıqları ünvan üzrə poliklinikada qeydiyyatda olurlar. Hazırda Bakı və Bakıətrafı qəsəbələrdə bu xəstələrin arasından 2 minə yaxın şəxs poliklinika nəzarətindədir. Bundan sonra poliklinikalar tərəfindən qeydiyyata alınan, fəal şəkildə nəzarətə götürülən, yüngül əlamətlərlə ev şəraitində müalicə olunan xəstələrin statistikası yenidən formalaşdırılacaq”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.