MƏDƏNİYYƏT


Bakıda “Qız qalası. Qadın olmaq – qadınlar sülh uğrunda” adlı Beynəlxalq Müasir İncəsənət Festivalı keçiriləcək

Bakı, 13 noyabr, AZƏRTAC

Latviyanın Azərbaycandakı səfirliyi Avropa İttifaqının ölkəmizdəki nümayəndəliyi ilə birgə noyabrın 16-dan 24-dək "Qız qalası. Qadın olmaq - qadınlar sülh uğrunda” adlı Beynəlxalq Müasir İncəsənət Festivalı təşkil edir.

AZƏRTAC xəbər verir ki, builki festival qadınların sülh üçün qərar qəbul etmə proseslərində ədalətli şəkildə təmsil olunmalarını vurğulayan BMT Təhlükəsizlik Şurasının Qadınlar, Sülh və Təhlükəsizlik üzrə 1325 saylı qətnaməsinə həsr edilib. Festivalın əsas mövzusu “Qadınlar sülh uğrunda”dır. Festival beynəlxalq ekspertləri bir araya gətirəcək və onlara COVID-19 pandemiyası dövrü və eləcə də müharibələrin təsirlərinin qadınların həyatında məişət zorakılığının müasir incəsənət vasitəsilə aradan qaldırılması üzrə təcrübələrini bölüşməyə şərait yaradacaq.

Layihə proqramına müasir incəsənət kontekstində müxtəlif səpkili sərgilər, konsertlər, konfranslar, təqdimatlar və film nümayişləri daxildir. Bu elementlərin hər biri incəsənət və mədəniyyət vasitəsilə sosial inteqrasiyanın təbliğatı və gücləndirilməsi üçün yeni strategiyada bir özül kimi qəbul edilə bilər.

Festivalın adı Bakının əsas görməli yeri və simvolu hesab edilən, haqqında çoxlu əfsanələr və sirlər dolaşan Qız qalasının adından götürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.