İDMAN


Bakının “Neftçi” klubu Braziliya komandasının futbolçusunu transfer edib

Bakı, 12 yanvar, AZƏRTAC

Bakının “Neftçi” klubu daha bir futbolçunu transfer edib.

AZƏRTAC Braziliyanın “İnternasional” klubunun rəsmi saytına istinadla xəbər verir ki, bu komandanın hücumçusu Gilyerme Pato karyerasını Bakı təmsilçisində davam etdirəcək.

“İnternasional” 22 yaşlı oyunçu ilə cari ilin sonunadək olan müqaviləsinə xitam verilməsinə və onun Azərbaycan çempionuna keçidinə razılıq verib. Ancaq forvardın transfer hüququnun müəyyən faizi “İnternasional”a məxsus olacaq. Yəni onun növbəti satışından Porto Aleqre təmsilçisi də gəlir əldə edəcək.

Qeyd edək ki, Gilyerme Pato 2021-ci ili icarə əsasında Braziliyanın digər klubu “Kuyaba”da keçirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.