DÜNYA


“Beşiktaş”-“Bursaspor” matçından sonra törədilən terror aktında təqsirli bilinən şəxslərə hökm oxunub

İstanbul, 17 may, AZƏRTAC

Üç il əvvəl “Beşiktaş” və “Bursaspor” futbol klubları arasında oynanılan qarşılaşmadan sonra PKK terror təşkilatı tərəfindən törədilmiş qanlı terror aktında şübhəli bilinən 27 nəfər haqqında İstanbul 29-cu Ağır Cəza Məhkəməsində hökm oxunub.

AZƏRTAC xəbər verir ki, hadisənin törədilməsində şübhəli bilinən 4 məhkuma 47 dəfə ağırlaşdırılmış ömürlük həbs və ümumilikdə 4890 il, on nəfərə ağırlaşdırılmış ömürlük həbs və 25 ildən 3380 ilədək müddətə azadlıqdan məhrumetmə cəzası verilib. Daha dörd nəfər isə terror təşkilatına üzv olmaqda ittiham edilərək 7,5 ildən 15 ilədək azadlıqdan məhrum edilib. Doqquz məhkumun barəsində isə hökm çıxarılması təxirə salınıb.

Xatırladaq ki, 2016-cı il dekabrın 10-da İstanbulda “Beşiktaş” futbol klubunun ev oyunlarını keçirdiyi “Vodafon Park” stadionunda törədilən terror aktı nəticəsində 40-ı mühafizə xidmətinin əməkdaşı olmaqla 47 nəfər həlak olub, 242 nəfər yaralanıb.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.