DÜNYA


Bidzina Kulumbeqov: Avqustun sonlarında Gürcüstanda “delta ştamı” tüğyan edəcək

Tbilisi, 4 avqust, AZƏRTAC

Avqustun sonlarında Gürcüstanda koronavirusun “delta ştamı” tüğyan edəcək.

AZƏRTAC xəbər verir ki, bu barədə jurnalistlərə Gürcüstanın tanınmış allerqoloq-immunoloqu Bidzina Kulumbeqov məlumat verib. Onun sözlərinə görə, ölkə sərt qapanmalarla üz-üzədir.

O deyib: “Ölkə əhalisinin az bir hissəsinin koronavirusa qarşı peyvənd olunması koronavirusa qarşı mübarizədə ciddi problemlər yaradır. Gündəlik yoluxma və koronavirusdan ölüm hallarının artması ciddi narahatlıq yaradır. Odur ki, insanlar daha çox qorunmalı, tibbi maskalardan qapalı və açıq məkanlarda istifadə etməli, vaksinasiya olunmalıdırlar. Əks halda qapanmalar və daha sərt tədbirlər qaçılmaz olacaq”.

Onun sözlərinə görə, yaxın günlərdə pandemiya qurbanlarının gündəlik sayı 50 nəfərdən çox olacaq. Bu isə çox acınacaqlı və dözülməzdir.

Qeyd edək ki, Gürcüstanda son sutkada daha 4827 nəfərdə koronavirus təsdiq olunub, 34 nəfər isə vəfat edib.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.