CƏMİYYƏT


Bişkekdə Şanxay Əməkdaşlıq Təşkilatı Təhlükəsizlik Şurası sədrlərinin görüşü keçirilib

Bişkek, 15 may, AZƏRTAC

Bişkekdə Şanxay Əməkdaşlıq Təşkilatı (ŞƏT) Təhlükəsizlik Şurası sədrlərinin 14-cü görüşü keçirilib.

AZƏRTAC xəbər verir ki, görüşdə ŞƏT-in Baş katibi Vladimir Norov, üzv ölkələrin - Çin, Rusiya, Qazaxıstan, Qırğızıstan, Tacikistan, Özbəkistan, Pakistan və Hindistanın təhlükəsizlik qurumlarının rəhbərləri, o cümlədən müşahidəçi dövlətlərin nümayəndələri iştirak ediblər.

Qırğızıstan Təhlükəsizlik Şurasının katibi Damir Saqinbaev bu il ölkəsinin ŞƏT-ə sədrliyi dövründə görülən işlərdən, həyata keçirilən layihələrdən danışıb.

Görüşdə təşkilatın üzvü olan ölkələrdə təhlükəsizliyin və sərhədlərin qorunması, terrorizm, separatizm, ekstremizm, narkotiklərin qeyri-qanuni dövriyyəsi, transmilli mütəşəkkil cinayətkarlıqla mübarizə tədbirlərinin gücləndirilməsi, həmçinin informasiya təhlükəsizliyinin qorunması istiqamətində geniş müzakirələr aparılıb.

Tədbirdə, həmçinin Əfqanıstanda sülhün və sabitliyin bərpa edilməsi və qorunması məsələləri diqqət mərkəzində olub.

Görüşdə bu ilin iyun ayında Şanxay Əməkdaşlıq Təşkilatının Bişkekdə keçiriləcək Sammitinə hazırlıq məsələləri də müzakirə edilib.

Qırğızıstan Prezidenti Sooronbay Jeenbekov görüş iştirakçılarını qəbul edib.

Xatırladaq ki, Azərbaycan Şanxay Əməkdaşlıq Təşkilatının dialoq üzrə tərəfdaşı qismində çıxış edir.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.