London, 4 oktyabr, AZƏRTAC

Oktyabrın 5-də Böyük Britaniyada dəmir yolu işçiləri yenidən tətil edəcək.

AZƏRTAC xəbər verir ki, işçilər ixtisarların qarşısının alınmasını, orta əməkhaqqının artırılmasını və iş şəraitinin yaxşılaşdırılmasını istəyirlər.

Dəmiryol İşçiləri Həmkarlar İttifaqı istəklərinin qarşılanmaması halında tətillərə davam edəcəklərini bildiriblər.

Növbəti tətil oktyabrın 8-də keçiriləcək.

Dəmir yolu şəbəkəsi sərnişinlərə yalnız zəruri hallarda qatarla səyahət etməyi bildirib.

Qeyd edək ki, oktyabrın 1-də keçirilən tətildə 50 mindən çox işçi iştirak etmişdi.

Aynurə Tağıyeva

AZƏRTAC-ın xüsusi müxbir

London