DÜNYA


Böyük Britaniyada şahzadə Filipin dəfn mərasimi keçirilir

Bakı, 17 aprel, AZƏRTAC

Vindzor qəsrində Böyük Britaniya kraliçası II Elizabetin həyat yoldaşı, Edinburq hersoqu Filipin dəfn mərasimi başlayıb.

AZƏRTAC yerli KİV-lərə istinadla xəbər verir ki, vida mərasiminə birbaşa yayım həyata keçirən operatorlardan başqa heç bir jurnalist buraxılmayıb.

Yerli vaxtla saat 14:41-də mərhumun tabutu qəsrdən yola salınıb. Tabutu kraliça və şahzadənin oğulları, nəvələri, həmçinin kral ailəsinin digər üzvləri və mərhum şahzadənin saray əməkdaşları müşayiət edib.

Müqəddəs Georgi kilsəsi qarşısında keçirilən kiçik mərasim zamanı mərhum bir dəqiqəlik sükutla yad olunub.

Qeyd edək ki, şahzadə Filip aprelin 9-da yüz illik yubileyinə iki ay qalmış vəfat edib. O, kraliça II Elizabet ilə 73 il evli olub. Onun 4 övladı, 8 nəvəsi və 10 nəticəsi var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.