İDMAN


Bu gün “Qarabağ” UEFA Avropa Liqasında ikinci oyununu keçirəcək VİDEO

Bakı, 3 oktyabr, Nicat Məmmədov, AZƏRTAC

Oktyabrın 3-də Ağdamın “Qarabağ” klubu UEFA Avropa Liqasının qrup mərhələsi çərçivəsində ikinci oyununu keçirəcək.

AZƏRTAC xəbər verir ki, rəqib Lüksemburqun “Düdelanj” klubudur. “Jozi Bartel” stadionunda təşkil olunacaq qarşılaşma Bakı vaxtı ilə saat 23:00-da başlayacaq.

Qarşılaşmanın idarə olunması şotlandiyalı hakimlər briqadasına tapşırılıb. Görüşün əsas referisi Con Biton olacaq. Ona həmyerliləri Daniel Makfarlan və Duqlas Potter kömək edəcəklər. Donald Robertson isə dördüncü hakim funksiyasını yerinə yetirəcək.

Norveçli Yon Eylif Skyervold matçın hakim-inspektoru, avstriyalı Maykl Zoratti isə UEFA nümayəndəsi olacaq.

A qrupunda yer alan ağdamlıların digər rəqibləri Kiprin APOEL və İspaniyanın “Sevilya” komandalarıdır.

İlk turda “Qarabağ” öz meydanında “Sevilya”ya 3:0 hesabı ilə məğlub olub. “Düdelanj” isə səfərdə APOEL-ə qalib gəlib – 4:3.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.