İDMAN


Bu gün UEFA Çempionlar Liqasının dörddəbir final mərhələsinin mərkəzi qarşılaşması oynanılacaq

Bakı, 14 avqust, AZƏRTAC

Avqustun 14-də qitənin ən nüfuzlu klub turnirinin – UEFA Çempionlar Liqasının dörddəbir final mərhələsinin mərkəzi oyununda “Barselona” və “Bavariya” klubları üz-üzə gələcəklər.

AZƏRTAC xəbər verir ki, Portuqaliyanın paytaxtı Lissabondakı “Eştadiu da Luş” stadionunda baş tutacaq qarşılaşmanı sloveniyalı referi Damir Skomina idarə edəcək.

“Barselona” bu oyuna üç itki ilə çıxacaq. Kataloniya təmsilçisinin heyətində Samuel Umtiti, Jan-Kler Todibo və Daniel Morer komandaya kömək edə bilməyəcəklər. “Bavariya”da isə müdafiəçi Benjamin Pavard zədə üzündən oyunu buraxmalı olacaq.

Bu oyunun qalibi yarımfinalda “Mançester Siti” – “Olimpik Lion” görüşündə qələbə qazanan komanda ilə qarşılaşacaq.

Qeyd edək ki, UEFA Çempionlar Liqasının cari mövsümünün iki yarımfinalçısı artıq məlumdur. İtaliyanın “Atalanta” klubunu mübarizədən kənarlaşdıran “Paris Sen-Jermen” və “Atletiko Madrid”ə qalib gələn “Leyptsiq” klubu növbəti mərhələyə vəsiqə qazanıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.