DÜNYA


Çexiya parklanmış avtomobildən səsvermə tətbiq edir

Praqa, 6 oktyabr, AZƏRTAC

Bu həftə Çexiya parlamentinin aşağı palatasına seçkilər keçiriləcək.

AZƏRTAC xəbər verir ki, koronavirus pandemiyası hələ də aktual olduğuna görə, Çexiya hökuməti seçkilərdə bir yenilik tətbiq edib. Belə ki, bundan sonra vətəndaşlar təhlükəsizlik mülahizələrinə əsasən oktyabrın 6-da yaşadıqları rayonlara müvafiq 82 yerdən birində saxladıqları avtomobildən səs verə biləcəklər. Seçki məntəqələrinin yerləşdiyi alternativ məkanlar çox vaxt avtomobil dayanacaqlarında və ya dövlət müəssisələrinin ərazisində olur. Avtomobildən səs vermək üçün seçki məntəqələri faktiki olaraq hər bir seçki dairəsində yaradılıb. Bu məntəqələrin ünvanları Praqa bələdiyyəsinin və regional bölmələrin saytlarında, həmçinin Daxili İşlər Nazirliyinin saytında dərc edilib.

Pərvanə Qarayeva

AZƏRTAC-ın xüsusi müxbiri

Budapeşt 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.