DÜNYA


Çində keçmiş məmur külli miqdarda rüşvət almaqda ittiham olunur

Pekin, 1 noyabr, AZƏRTAC

Çinin Şandun vilayətinin keçmiş vitse-qubernatoru Ci Siançi 22,71 milyon yuan (3,7 milyon ABŞ dolları) dəyərində rüşvət almaqda ittiham olunur.

AZƏRTAC xəbər verir ki, Cincun şəhər məhkəməsində keçmiş məmurun haqqında qaldırılmış cinayət işinə dair iclas keçirilib. Prokurorun ittiham aktında qeyd olunur ki, Ci Siançi 2003-2017-ci illərdə müxtəlif vəzifələrdə çalışarkən pul və bahalı hədiyyələr müqabilində bir neçə sahibkara imtiyazlı şərtlərlə tenderlər verib. Bundan başqa, keçmiş məmur dövlət qurumlarına aid olan 1,76 milyon dollar dəyərində incəsənət əsərlərini qeyri-qanuni yolla mənimsəməkdə ittiham olunur.

Ci Siançi məhkəmədə son bəyanatında özünü təqsirkar hesab etdiyini və peşman olduğunu deyib. Məhkəmə qərarını bir müddət sonra elan edəcək.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.