DÜNYA


COVID-19: Fransada virus son sutkada 271 can alıb

Paris, 19 fevral, AZƏRTAC

Fransada son sutkada COVID-19 infeksiyasına 22 501 yeni yoluxma və 271 ölüm faktı qeydə alınıb.

AZƏRTAC xəbər verir ki, bu haqda Fransa Səhiyyə İdarəsi məlumat yayıb. Bildirilir ki, ölkədə koronavirus qurbanlarını ümumi sayı 83 393-ə çatıb. Xəstəxanalarda 25 762 koronavirus xəstəsi olduğu qeyd edilir. Reanimasiya şöbələrində 3 394 ağır vəziyyətdə olan koronavirus xəstəsi intensiv müalicə alır.

Fransada koronavirus əleyhinə peyvəndləmə kampaniyası çərçivəsində 3.5 milyondan çox peyvəndləmə aparılıb ki, bunlardan 1 milyon 40 mindən çoxuna ikinci doza peyvəndləmə edilib.

Ölkədə virusa yoluxanlar üçün karantin rejimi fevralın 22-dən etibarən 7 gündən 10 günədək uzadılacaq.

Mütəxəssislər koronavirusun yeni daha yoluxdurucu ştammlarının sürətlə yayılmasının epidemioloji vəziyyəti ağırlaşdırdığını qeyd edirlər.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.