REGİONLAR


Cəlilabaddan Rusiyaya 29 ton üzüm məhsulu ixrac olunub

Cəlilabad, 10 sentyabr, Bağır Əliyev, AZƏRTAC

Ölkəmizin ən böyük üzümçülük rayonlarından biri olan Cəlilabadda məhsul yığımı kampaniyası davam edir.

Cəlilabad Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumata əsasən, rayonda mövcud olan 1401 hektar üzüm bağından indiyədək 6255 ton məhsul yığılıb.

Üzümün bir kiloqramı yerində alıcılara 1, bazarlarda isə 1,5 manata təklif olunur.

Cəlilabadda yetişdirilən üzüm əsasən Bakı şəhərinin və ətraf rayonların bazarlarında satışa çıxarılmaqla yanaşı, Rusiyaya da ixrac edilir. İndiyədək Rusiyaya 29 ton üzüm göndərilib.

Qeyd edək ki, ötən il rayonun 1401 hektar üzüm sahəsindən 10 min 80 ton məhsul yığılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.