MƏDƏNİYYƏT


“Cənubda kino günləri” layihəsi bu dəfə Lerikdə

Bakı, 6 iyul, AZƏRTAC

İyulun 13-14-də Azərbaycan Kinematoqrafçılar İttifaqının “Cənubda kino günləri” layihəsi çərçivəsində Lerik rayonunda filmlər nümayiş olunacaq.

AZƏRTAC xəbər verir ki, ekran əsərləri saat 11:00-da rayonun Mədəniyyət Mərkəzində və saat 15:00-da Piran kəndinin Folklor Klubunda göstəriləcək.

Tamaşaçılara Mirbala Səlimlinin “Qırmızı bağ”, Elvin Adıgözəlovun “Biləsuvar”, İlqar Nəcəfin “Nar bağı”, Namiq Ağayevin “Ol”, Məzahir Həşimovun “Sizə məktub var”, Amil Amalın “Titrəmə”, Kamal Yaşarın “Dan yeli”, Amil Amalın “Dəhlizdə”, Nurlan Həsənlinin “Bir Ata haqqında”, Rövşən Nicatın “Hədiyyə”, Türkan Hüseynovanın “Papanin”, Ərturan Nəcəfin “Səs” qısametrajlı və tammetrajlı filmləri göstəriləcək.

Qeyd edək ki, “Cənubda kino günləri” layihəsinin icraçı prodüseri İntiqam Hacılıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.