İQTİSADİYYAT


“Cənubi Qafqaz. 1903-cü il” xəritəsi nəşr olunmuşdur

Bakı, 18 dekabr (AZƏRTAC). “Cənubi Qafqaz. 1903-cü il” xəritəsinin nəşri haqqında” Azərbaycan Respublikası Prezidenti İlham Əliyevin müvafiq Sərəncamına əsasən Dövlət Torpaq və Xəritəçəkmə Komitəsi tərəfindən “Cənubi Qafqaz. 1903-cü il” xəritəsi nəşr olunmuşdur.

Komitədən AZƏRTAC-a bildirilmişdir ki, azərbaycan, ingilis və rus dillərində, ümumilikdə 75 min nüsxə xəritə hazırlanmışdır.

Sərəncamda bildirilir ki, son vaxtlar ayrı-ayrı ölkələrdə Azərbaycan Respublikasının ərazi bütövlüyünün, tarixi və coğrafi adlarının təhrif olunması, inzibati ərazi vahidlərinin sərhədlərinin dəyişdirilməsi istiqamətində təxribat xarakterli materialların, xəritə və atlasların kütləvi informasiya vasitələrində yayılması halları artmışdır. Ölkə prezidenti belə təxribatların qarşısını almaq və ölkəmiz haqqında düzgün məlumatları dünya ictimaiyyətinə çatdırmaq məqsədi ilə, 1903-cü ildə Rusiyada tərtib edilmiş “Карта Кавказского Военного Округа 1903-го года” xəritəsi əsasında hazırlanmış “Cənubi Qafqaz. 1903-cü il” xəritəsinin nəşr olunması ilə əlaqədar göstəriş vermişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.