İDMAN


Cüdoçularımız “Böyük dəbilqə” turnirini bir qızıl medalla başa vurublar

Bakı, 20 fevral, AZƏRTAC

İsrailin paytaxtı Təl-Əvivdə keçirilən cüdo üzrə “Böyük dəbilqə” turnirinə yekun vurulub.

AZƏRTAC xəbər verir ki, turnirin üçüncü günündə kişilərin yarışında 90 kiloqram çəki dərəcəsində mübarizə aparan Məmmədəli Mehdiyev bürünc medal uğrunda görüşdə gürcüstanlı Beka Qviniaşviliyə məğlub olub. Komandamızın digər üzvü Zelim Kotsoyev (100 kq) də bürünc medal şansını əldən verib. Belə ki, o, üçüncü yer uğrunda qarşılaşmada rusiyalı Niyaz İlyasova uduzub. Hər iki cüdoçumuz beşinci yerlə kifayətlənməli olub.

Beləliklə, turnirə 15 cüdoçu ilə qatılan komandamız yarışı bir qızıl medalla başa vurub. Cüdoçularımızdan 60 kiloqram çəki dərəcəsində mübarizə aparan Davud Məmmədsoy bütün rəqiblərini məğlub edərək turnirin qalibi olub.

Yarışda 60 ölkədən 400-dən çox idmançı mübarizə aparıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.