“DəmirBank”ın Lənkəran filialında “Açıq qapılar” tədbiri keçirilib

Bakı, 28 avqust (AZƏRTAC). “DəmirBank”ın Lənkəran filialında bankın 25 illik yubileyi ilə əlaqədar “Açıq qapılar” tədbiri keçirilib.

Bankdan AZƏRTAC-a bildiriblər ki, tədbirdə bankın müştərilərə göstərdiyi diqqət və qayğı barədə məlumat verilib, müştərilər bu qurumun müxtəlif xidmət və sərfəli məhsullarından fəal şəkildə istifadə etməyə dəvət olunublar.

Çıxış edənlər “DəmirBank”ın 25 illik fəaliyyəti, tarixi uğurları və üstünlükləri, eləcə də Lənkəran filialının göstərdiyi xidmətlər, xüsusilə də “Güzəştli kredit” və müştərilərə pulsuz təqdim olunan “DəmirTaksit” məhsulları barədə iştirakçılara geniş məlumat veriblər.