Apreldə su hövzələrindən 21 min 810 metr uzunluğunda sintetik tor yığışdırılıb
Bakı, 6 may, AZƏRTAC
“Təmiz hövzələr” aksiyası çərçivəsində apreldə su hövzələrindən 21 min 810 metr uzunluğunda sintetik tor yığışdırılıb.
Bu barədə AZƏRTAC-a Ekologiya və Təbii Sərvətlər Nazirliyinin mətbuat xidmətindən məlumat verilib.
Bildirilib ki, qanunsuz balıq ovunun qarşısının alınması, balıq və digər su bioresurslarının ovunda istifadə olunan qanunsuz ov alətlərinin su hövzələrindən yığışdırılması məqsədilə təşkil olunan “Təmiz hövzələr” aksiyası çərçivəsində Dövlət Ekoloji Təhlükəsizlik Xidmətinin əməkdaşları tərəfindən apreldə Xəzər dənizinin Xaçmaz, Siyəzən, Lənkəran, Astara rayonları, eyni zamanda, Bakı şəhərinin Sabunçu, Pirallahı və Xəzər rayonları akvatoriyasından, Kür və Araz çaylarından, Yenikənd, Şəmkir və Mingəçevir su anbarlarından ümumilikdə 21 min 810 metr uzunluğunda 375 sintetik tor və istifadəsi qadağan olunmuş digər ov alətləri aşkar edilərək götürülüb.
“Təmiz hövzələr” aksiyası çərçivəsində tədbirlər davam etdirilir.
Bölmənin digər xəbərləri
