İDMAN


“Dinamo” – “Spartak” futbol oyununda Ələkbər Məmmədovun xatirəsi anılıb

Bakı, 10 avqust (AZƏRTAC). Azərbaycanın əfsanəvi futbolçusu Ələkbər Məmmədovun xatirəsi Rusiyada da yad edilib.

AZƏRTAC xəbər verir ki, Rusiya Premyer Liqasının ikinci turu çərçivəsində Moskvanın “Dinamo” və “Spartak” komandaları arasındakı keçirilmiş oyun məşhur futbolçumuzun vəfatı ilə əlaqədar bir dəqiqəlik sükutla başlayıb.

Bununla “Dinamo” klubu keçmiş futbolçusu olmuş həmyerlimizin xatirəsini anıb.

Qeyd edək ki, Ələkbər Məmmədov 1948-1953-cü illərdə Bakının “Neftçi”, 1954-1959-cu illərdə Moskvanın “Dinamo” komandalarının tərkibində parlaq oyunu ilə adını idman tarixinə yazdırıb. O, “Dinamo”nun heyətində dörd dəfə SSRİ çempionu adını qazanıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.