Dünyada istehsal olunun enerjinin 38 faizi bərpa olunan enerjidir

Paris, 30 mart, AZƏRTAC

2021-ci il məlumatlarına əsasən dünyada istehsal olunan elektrik enerjisinin 38 faizi karbonsuzlaşdırılmış mənbələrdən, əsasən bərpa olunan enerji - su elektrik enerjisindən əldə edilib.

AZƏRTAC xəbər verir ki, Ember analitik mərkəzinin məlumatına görə günəş və külək infrastrukturu 2021-ci ildə ilk dəfə olaraq dünya elektrik enerjisinin 10 faizindən çoxunu istehsal edib.

Bildirilib ki, kömürlə işləyən elektrik stansiyalarından əldə olunan elektrik enerjisinin payı 36 faiz olub.

Ember hesabatında vurğulayır ki, külək və günəş enerji istehsalı 2021-ci ildə 17 faiz artıb və 2030-cu ilə qədər illik 20 faiz artım tempini saxlamalıdır.

Şəhla Ağalarova

AZƏRTAC-ın xüsusi müxbiri

Paris