DÜNYA


Ekvadorda həbsxanadan qaçış cəhdi zamanı 43 məhbus ölüb

Bakı, 10 may, AZƏRTAC

Ekvadorda həbsxanadan qaçış cəhdi zamanı baş verən iğtişaşlar nəticəsində ən azı 43 məhbus ölüb, 13 nəfər isə yaralanıb.

AZƏRTAC Sinxua informasiya agentliyinə istinadla xəbər verir ki, bu barədə Ekvadorun Baş prokurorluğu məlumat yayıb.

Hadisə ölkənin Piçinça əyalətində yerləşən həbsxanalardan birində baş verib. Toqquşmalardan sonra polis qüvvələri penitensiar müəssisə üzərində nəzarəti gücləndirib. Hüquq-mühafizə orqanları məhbuslar tərəfindən istifadə olunan silahları müsadirə etmək üçün həbsxanada axtarışlar aparacaq.

Ekvadorun penitensiar sistemində narkotik vasitələrin ticarəti ilə bağlı cinayətkar dəstələr arasında baş verən mütəmadi toqquşmalar səbəbindən gərgin vəziyyət hökm sürür. Ötən il həbsxanalarda azı 331 məhbusun ölümü ilə nəticələnən bir neçə iğtişaş baş vermişdi.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.