ELM VƏ TƏHSİL


Elektron dövlət platformasında e-demoqrafiya sisteminin konseptual modeli işlənilib

Bakı, 10 iyul, AZƏRTAC

AMEA-nın İnformasiya Texnologiyaları İnstitutunda ilin birinci yarısında elektron dövlətin formalaşması problemləri, informasiya cəmiyyətinin və internetşünaslığın elmi-nəzəri problemləri, informasiya müharibəsi texnologiyaları, eləcə də sosial medianın formalaşmasının multidistiplinar problemləri istiqamətində araşdırmalar aparılıb.

AZƏRTAC xəbər verir ki, bu barədə institutun baş mütəxəssisi Rasim Mahmudov hesabat məruzəsində məlumat verib. Məruzəçi fərdi məlumatlar və onların milli mentalitetdə rolunun, həmçinin informasiya təhlükəsizliyinin milli təhlükəsizliyin digər komponentləri ilə qarşılıqlı əlaqələrinin araşdırıldığını və təkliflərin işlənildiyini, “Big data” ekosisteminin formalaşdırılması məsələlərinin tədqiq olunduğunu söyləyib.

Rasim Mahmudov şöbədə elektron xidmətlərin intellektual analizi, korporativ təhsil mühitində sosial şəbəkələrin analizi üçün metod və alqoritmlərin işlənilməsi, internet-media resurslarının monitorinqi və qiymətləndirilməsi mexanizmlərinin işlənilməsi üzrə görülən işləri təqdim edib, nəşr olunmuş məqalələr barədə məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.