ELM VƏ TƏHSİL
Elmi seminar: Canlı sistemlərdə anomal maqnit xassələri
Bakı, 13 may, AZƏRTAC
Bakı Dövlət Universitetinin (BDU) Biologiya fakültəsində “Canlı sistemlərdə anomal maqnit xassələri” mövzusunda seminar keçirilib.
BDU-dan AZƏRTAC-a bildirilib ki, seminarda fakültənin Biofizika və biokimya kafedrasının dosenti Aygün Nəsibovanın məruzəsi dinlənilib.
Məruzə canlı sistemlərə müxtəlif stres amillərin təsirinin tədqiqi zamanı ali bitkilərdə və digər bioloji sistemlərdə nanofazalı dəmir oksidi maqnit hissəciklərinin biogen generasiyası hadisəsinin aşkar edilməsinə həsr olunub. İonlaşdırıcı qamma radiasiyanın və radioaktiv çirklənmənin canlı sistemlərə təsirinin “vivo” və “in vitro” tədqiqatları ilə araşdırılıb.