CƏMİYYƏT


Evdən pul, televizor və qızıl-zinət əşyaları oğurlamaqda şübhəli bilinən şəxslər yaxalanıblar

Bakı, 24 oktyabr, AZƏRTAC

Xəzər və Nəsimi rayonlarında oğurluqla məşğul olan şəxslər yaxalanıblar.

Daxili İşlər Nazirliyinin mətbuat xidmətindən AZƏRTAC-a bildiriblər ki, Xəzər rayonu ərazindəki evlərin birindən 750 manat, 2 min ABŞ dolları məbləğində pul, 6600 manat dəyərində iki televizor və 20 min manat dəyərində qızıl-zinət əşyaları oğurlamaqda şübhəli bilinən Bakı şəhər sakinləri C.Əliyev və A.Əliyev rayon polis idarəsinin 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.

Bakı şəhər sakini K.Abdulovanın çantasından 1000 manat məbləğində pul oğurlamaqda şübhəli bilinən paytaxt sakini, əvvəllər məhkum olunmuş E.Şükürov Nəsimi Rayon Polis İdarəsinin 21-ci polis bölməsi əməkdaşlarının keçirdikləri əməliyyat-axtarış tədbiri nəticəsində tutulub.

Faktlarla bağlı təhqiqat davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.