CƏMİYYƏT


Fövqəladə Hallar Nazirliyi: Nəsimi rayonunda döyüş tətbiqinə yararlı hərbi sursat aşkarlanıb

Bakı, 6 avqust, AZƏRTAC

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə paytaxtın Nəsimi rayonunda hərbi sursat aşkar olunması barədə məlumat daxil olub.

Nazirliyin mətbuat xidmətindən AZƏRTAC-a bildiriblər ki, məlumat qəbul edildikdən dərhal sonra FHN-nin Xüsusi Riskli Xilasetmə Xidmətinin pirotexniki işlər üzrə mütəxəssisləri həmin əraziyə cəlb olunub və aşkarlanmış hərbi sursata baxış keçirilib. Döyüş tətbiqinə yararlı sursat olduğu müəyyənləşdirildikdən sonra sursat müvafiq qaydada götürülərək aidiyyəti üzrə təhvil verilib. Hərbi sursatın tapıldığı ərazidə aparılan axtarışlar nəticəsində heç bir şübhəli əşya aşkarlanmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.