REGİONLAR


Fransa Milli Assambleyasının nümayəndə heyətinin Füzuli rayonuna səfəri başlayıb

Füzuli, 24 iyul, AZƏRTAC

Fransa Milli Assambleyasının nümayəndə heyətinin Füzuli rayonuna səfəri başlayıb.

AZƏRTAC xəbər verir ki, səfərin məqsədi işğaldan azad edilən ərazilərdə erməni vəhşiliklərinin tanıdılmasıdır.

Qonaqlar əvvəlcə rayonun Qaraxanbəyli kəndində erməni faşizminin izlərinin şahidi olublar. Nümayəndə heyətinin üzvlərinə məlumat verilib ki, erməni vandalizmi nəticəsində kənd tamamilə məhv edilib. Həmçinin kənddəki məscid ermənilər tərəfindən tövlə kimi istifadə olunub.

Səfər zamanı qonaqlar Merdinli kəndində də olublar. Nümayəndə heyətinə erməni vəhşiliyinə məruz qalan kənd barədə məlumat verilərək bildirilib ki, Merdinli kəndi 28 il düşmən tapdağında qalıb və bu müddət ərzində ermənilər kəndi talan edərək xarabalığa çeviriblər. Həmçinin düşmən bu əraziləri minalayaraq müdafiə zolağı kimi istifadə edib. İşğal illərində kənddəki evlər sökülərək materiallarından düşmən özləri üçün səngər və digər hərbi təyinatlı tikililər yaradıb. Rayonun mərkəzində yerləşən Merdinli kənd məscidi də dağıntılara məruz qalıb. Bir əsrdən çox yaşı olan məscid ermənilər tərəfindən tövlə kimi istifadə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.