DÜNYA


Fransada Birinci Dünya müharibəsində qələbənin 100 illiyi ilə bağlı xatirə tədbirləri başlayıb

Paris, 5 noyabr, AZƏRTAC 

Birinci Dünya müharibəsi (1914-1918) qələbəsinin 100 illiyinin qeyd edilməsi ilə bağlı Fransanın şərqi və şimalı istiqamətində səfərə çıxan prezident Emmanuel Makron Strasburqda alman həmkarı Frank-Valter Ştaynmayerlə görüşüb. Strasburq katedralında Fransa-Almaniya barışığının 100 illiyi ilə bağlı tədbir keçirilib.

AZƏRTAC xəbər verir ki, Birinci Dünya müharibəsində qələbənin 100 illiyi münasibəti ilə prezident Emmanuel Makron bir həftə ərazində 11 departamentin 15-ə qədər şəhərində tədbirlərdə iştirak edərək müharibə qurbanlarının xatirəsini yad edəcək. 1914-1918-ci illər müharibəsində 8 milyon fransız iştirak edib ki, onlardan 1,4 milyonu döyüşlərdə həlak olub.

Səfər noyabrın 11-də 100-ə qədər xarici dövlət başçılarının iştirakı ilə prezident E.Makronun Zəfər Tağı altındakı naməlum əsgər qəbri önündə məşəli alovlandırması ilə başa çatacaq.

Birinci Dünya müharibəsinin başa çatmasının 100 illiyi münasibəti ilə noyabrın 11-də keçiriləcək tədbirdə ABŞ prezidenti Donald Tramp və Rusiya prezidenti Vladimir Putinin də iştirakı gözlənilir.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.