DÜNYA


Fransanın əsas şəhərlərində polis zorakılığına qarşı nümayişlər keçirilib

Paris, 29 noyabr, AZƏRTAC

Fransada qlobal təhlükəsizlik qanununa və polis zorakılığına qarşı nümayişlər keçirilib.

AZƏRTAC xəbər verir ki, Daxili İşlər Nazirliyinin məlumatına görə nümayişdə 133 min, təşkilatçılara görə isə 500 min nəfər iştirak edib.

Paris, Strasburq, Lion, Lil, Marsel kimi şəhərlərdə keçirilən etiraz nümayişlərində “Silahlarınızı endirin, kameralarımızı endirəcəyik!” şüarı səsləndirilib. Nümayişçilər ifadə azadlığını və hüquqi dövlət prinsipini pozan qanun mətninə etiraz olaraq Parisdə Respublika meydanına toplanıblar.

Nümayişçilər və polis arasında toqquşma olub. Polis nümayişçilərə qarşı gözyaşardıcı qazdan istifadə edib. Küçələrdə maşınlar, qəzet köşkü, eləcə də kafelər yandırılıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.