İDMAN


Futbol üzrə Çempionlar liqası tarixində ilk dəfə VAR sistemi tətbiq olunub

Bakı, 14 fevral, AZƏRTAC

Futbol üzrə Çempionlar liqası oyunlarında ilk dəfə Hakimlərə Kömək Sistemi (VAR) tətbiq olunub. Sistemdən “Ayaks” (Niderland) və “Real” (İspaniya) klubları arasında ilk 1/8 final matçında istifadə edilib.

AZƏRTAC TASS agentliyinə istinadla xəbər verir ki, sloveniyalı hakim Damir Skomina oyunun 38-ci dəqiqəsində (hesab 0:0 olduqda) “Ayaks”ın müdafiəçisi Nikolas Talyafikonun “Real”ın qapısına vurduğu qoldan sonra VAR sisteminə müraciət edərək epizoda yenidən baxıb. Nəticədə oyundan kənar vəziyyət qeydə alınıb və qol hesaba alınmayıb. Matç 2:1 hesabı ilə “Real”ın qələbəsi ilə başa çatıb.

Avropa Futbol Assosiasiyaları İttifaqının (UEFA) İcraiyyə Komitəsi ötən ilin dekabrında keçirdiyi iclasda VAR sisteminin Çempionlar liqasının 1/8 finalında, Avropa Liqasının finalında (2020/21 mövsümünün qrup turniri) və Millətlər Liqasının 2021-ci ildə keçiriləcək finalında istifadə edilməsini təsdiq edib.

VAR sistemi 2017-ci il Konfederasiyalar Kubokunda və 2018-ci ildə Rusiyada keçirilmiş dünya çempionatında tətbiq olunub, həmçinin İtaliya, Almaniya və İspaniya Çempionatlarında istifadə edilir.

Matçın gedişində hakim oyunu saxlaya və köməkçiləri ilə əlaqə saxlayaraq onların mübahisəli epizoda təkrar baxmalarını istəyə bilər, habelə baş hakim özü də həmin məqamın təkrarına baxa bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.