CƏMİYYƏT


Gənclər və idman naziri Tələbə-Gənclər təşkilatlarının rəhbərləri ilə görüşüb

Bakı, 6 iyul, AZƏRTAC

Gənclər və idman naziri Fərid Qayıbov iyulun 5-də ali və orta ixtisas təhsil müəssisələrinin Tələbə-Gənclər təşkilatlarının rəhbərləri ilə görüşüb.

AZƏRTAC Azərbaycan Gənclər və İdman Nazirliyinin saytına istinadla xəbər verir ki, əvvəlcə Azərbaycan Tələbə Gənclər Təşkilatları İttifaqının sədri Pərviz Mirələmli təşkilatın fəaliyyəti haqqında, həyata keçirilmiş və eləcə də icra ediləcək layihələr barədə məlumat verib. Sonra təşkilatın təhsil müəssisələrindəki rəhbərlərinin təklifləri dinlənilib, tələbələrlə işin gücləndirilməsi və qarşıya çıxan məsələlər barədə müzakirələr aparılıb.

Gənclərin iştirakçılığı, tələbə həyatı, beynəlxalq təşkilatlarla iş, təlimlər, asudə vaxtın təşkili, gənclər arasında elm və texnologiya istiqamətləri üzrə fikir mübadiləsi aparılıb.

Görüşdə nazir müavini İndira Hacıyeva və nazirliyin digər məsul əməkdaşları da iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.