CƏMİYYƏT


Gənclərimiz hər zaman müstəqilliyimizi və dövlətçiliyimizi əziz tutmalıdır

Bakı, 28 may, AZƏRTAC

Azərbaycan Tələbə Gənclər Təşkilatları İttifaqı (ATGTİ) və "Cavan" Gənclər Hərəkatı İctimai Birliyinin birgə təşkilatçılığı ilə Azərbaycan Xalq Cümhuriyyətinin yaranmasının 102-ci ili münasibətilə onlayn videokonfrans keçirilib.

ATGTİ-dən AZƏRTAC-a bildiriblər ki, videokonfransda tarix elmləri doktoru, professor Solmaz Rüstəmova-Tohidi "Cümhuriyyətə aparan yol" mövzusunda çıxış edərək müsəlman Şərqində ilk dünyəvi, demokratik dövlət kimi tarixə düşən Azərbaycan Xalq Cümhuriyyətinin yaranması, iqtisadiyyat, mədəniyyət, təhsil, hərbi quruculuq və digər sahələrdə həyata keçirilən yeniliklərin xalqımızın tarixində olan yeri və əhəmiyyəti haqqında konfrans iştirakçılarına məlumat verib.

Videokonfransda iştirak edən tələbələrin Azərbaycan Xalq Cümhuriyyətinin yaradılmasına aparan yol, həmin tarixi dönəmdə regionda və dünyada baş verən hadisələr, bunların ilk cümhuriyyətimizin mövcudluğuna təsiri və respublikanın süquta uğramasını şərtləndirən səbəblər barədə sualları cavablandırılıb.

Xüsusilə vurğulanıb ki, Azərbaycan Xalq Cümhuriyyətinin varisi olan hazırkı dövlətimizin müstəqilliyinin möhkəmlənməsi və daha da qüdrətlənərək inkişaf etməsi üçün hər bir Azərbaycan vətəndaşı, xüsusilə də gənclər əllərindən gələni etməli və hər zaman müstəqilliyimizi və dövlətçiliyimizi əziz tutmalıdır.

Qeyd edək ki, videokonfransda 200-ə yaxın gənc iştirak edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.