DÜNYA


“Gucci” ödənişləri kriptovalyuta ilə alacaq

Roma, 8 may, AZƏRTAC

İtaliyanın moda nəhəngi “Gucci” şirkəti ABŞ-dakı mağazalarda ödənişləri kriptovalyuta ilə qəbul etməyə başlayacağını açıqlayıb.

AZƏRTAC xəbər verir ki, lüks geyim sənayesinin rəqəmsal bazarlara marağının artdığı vaxtda “Gucci” moda evi Nyu-York, Los-Anceles, Mayami, Atlanta və Las-Veqasdakı bəzi mağazalarının may ayının sonundan etibarən məhsullara görə ödənişləri kriptovalyuta ilə qəbul edəcəyini bildirib. Kriptovalyuta ilə alış-veriş yay fəslinin sonuna kimi Şimali Amerikadakı bütün mağazalarda mümkün olacaq.

Şirkət “Bitcoin”, “Bitcoin Cash”, “Ether”, “Dogecoin” və “Shiba” daxil olmaqla ümumilikdə 10 kriptovalyutanı qəbul edəcək.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.