İDMAN


Güllə atıcılığı üzrə Bakı kuboku yarışlarının qalibləri müəyyənləşib

Bakı, 9 oktyabr, AZƏRTAC

Bakı Şəhər Gənclər və İdman Baş İdarəsi (BŞGİBİ) tərəfindən “Neftçi İdman Klubu” İctimai Birliyinin zalında güllə atıcılığı üzrə paytaxt kuboku yarışları keçirilib.

BŞGİBİ-dən AZƏRTAC-a bildiriblər ki, yarışda 33 idmançı birincilik uğrunda mübarizə aparıb.

On metr məsafəyə PT-4 tipli tapançadan atəşaçma yarışlarında Ruslan Qəhrəmanov birinci olub. Qadınların yarışında isə Kəmalə Yusifova fərqlənib.

PTÇ-4 tipli tapançadan 10 metr məsafəyə atəşaçmada Emil Əhmədov və Nigar Nəsirova qızıl medal qazanıblar.

İlk üç yeri tutan idmançılara Baş İdarə tərəfindən müvafiq dərəcəli diplomlar və medallar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.