DÜNYA


Gürcüstanda cari tədris ilində 12 mindən çox şagird təhsildən yayınıb

Tbilisi, 3 dekabr, AZƏRTAC

Gürcüstanda 2018-2019-cu tədris ilində 12 min 49 şagird təhsilini yarımçıq qoyaraq məktəbdən uzaqlaşıb.

AZƏRTAC xəbər verir ki, bu barədə Gürcüstanın Milli Statistika İdarəsinin hesabatında məlumat verilib.

Bildirilib ki, dərs ilinin əvvəlində Gürcüstanda 2313 orta təhsil müəssisəsi olub ki, onların 2086-sı dövlət, 227-si isə özəl məktəblərdir.

Məktəblərdə təhsil alan şagirdlərin sayı 592 min 900 nəfər təşkil edib.

Şagirdlərin 89,4 faizi dövlət, 10,6 faizi isə özəl məktəblərin payına düşüb. Onların da 47,9 faizini qızlar, 52,1 faizini isə oğlanlar təşkil edib.

Orta təhsil müəssisələrini tərk edən şagirdlərin 40,7 faizi qızlar, 59,3 faizi isə oğlanlar olub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.