MƏDƏNİYYƏT


Hörümçək adam haqqında filmlərin ssenari müəllifi vəfat edib

Bakı, 11 may, AZƏRTAC

Amerikalı ssenarist, iki dəfə “Oskar” mükafatı laureatı Elvin Sarcent 92 yaşında vəfat edib. AZƏRTAC xəbər verir ki, bu barədə məlumatı “Deadline” nəşri yayıb.

E.Sarcent 1927-ci ildə Pensilvaniya ştatının Filadelfiya şəhərində anadan olub. O, “Qamma-şüaların qızçiçəklərinın davranışına təsiri” (1972), “Ağ saray” (1990), “Özgə pulları” (1991), “Boqus” (1996), “Vəfasız” (2002) kimi filmlərin, habelə rejissor Sem Reyminin “Hörümçək adam” filminin ikinci və üçüncü hissələrinin (2004 və 2007), “Yeni Hörümçək adam” (2012) filminin ssenari müəllifi olub.

E.Sarcent 1978-ci ildə “Culiya” (1977) və 1981-ci ildə “Adi insanlar” (1980) filmlərinə yazdığı ən yaxşı uyğunlaşdırılmış ssenarilərə görə “Oskar” mükafatlarına layiq görülüb, habelə “Kağız ay” (1973) filminin ssenarisinə görə “Oskar” mükafatına namizədliyi irəli sürülüb. 1979-cu ildə ona Britaniya Kino və Televiziya Sənətləri Akademiyasının (BAFTA) mükafatı, 2005-ci ildə isə “Saturn” mükafatı təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.