İQTİSADİYYAT


“ICODS Hilmer” “Caspian Energy Forum Baku – 2019”un tərəfdaşı olub

Bakı, 15 avqust, AZƏRTAC

Almaniyanın iri şirkətlərinin – kənd təsərrüfatı və qida sənayesi üçün avadanlıq istehsalçılarının avtorizə edilmiş distribüteri “ICODS Hilmer” şirkəti sentyabrın 19-da Bakıda keçiriləcək IX Beynəlxalq “Caspian Energy Forum Baku – 2019”un tərəfdaşı olub.

IX Beynəlxalq “Caspian Energy Forum Baku – 2019” “Əsrin müqaviləsi”nin imzalanmasının 25 illik yubileyinə və “Caspian Energy” jurnalının 20 illik yubileyinə həsr olunub.

AZƏRTAC xəbər verir ki, bu barədə “Caspian European Club”un sədrinin birinci müavini və baş icraçı direktoru Telman Əliyev bildirib.

“ICODS Hilmer” sıralarında dünyanın 70 ölkəsindən olan 5 min şirkət və təşkilatı birləşdirən “Caspian European Club” ilə 2018-ci ildə əməkdaşlığa başlayıb və biz yaxın gələcəkdə sıx əməkdaşlığımız üçün açılan imkanlara görə şadıq”, - deyə Telman Əliyev söyləyib.

“ICODS Hilmer”in direktoru Yelena Hilmer IX Beynəlxalq “Caspian Energy Forum-2019” çərçivəsində əməkdaşlığı faydalı və əhəmiyyətli hesab etdiyini deyib. Onun sözlərinə görə, şirkət bundan sonra da “Caspian European Club” ilə əməkdaşlığı və regional miqyaslı əlamətdar hadisələri dəstəkləmək niyyətindədir.

“Caspian Energy Forum Baku – 2019”un işində dünyanın 50 ölkəsindən 1500-dən artıq nümayəndə iştirak edəcək. Onların sırasında Xəzər-Qara dəniz və Baltik regionu ölkələrinin dövlət qurumlarının, nazirliklərin, dövlət komitələrinin, dövlət agentliklərinin, dövlət xidmətlərinin, həmçinin dövlət və transmilli şirkətlərinin, beynəlxalq maliyyə institutlarının, aparıcı analitik mərkəzlərin, investisiya şirkətlərinin və reytinq agentliklərinin rəhbərləri, həmçinin Azərbaycanda akkreditə olunmuş diplomatik və beynəlxalq missiya nümayəndələri yer alıb.

“Caspian Energy Forum Baku – 2019” üç sessiyadan ibarət olacaq. Birinci sessiya Azərbaycanda neft-qaz sektorunun və sənayenin inkişafına, infrastruktur layihələrin həyata keçirilməsi mövzusuna həsr ediləcək. İkinci sessiyada maliyyə sektorunun inkişafı mövzusuna toxunulacaq, Azərbaycanda investisiyalaşma imkanlarından ətraflı bəhs olunacaq. İkinci sessiyada, həmçinin əsas diqqət kiçik və orta biznesin inkişafına yönəldiləcək. Üçüncü sessiyada İKT layihələrinin uğurla həyata keçirilməsi, aqrosənaye kompleksinin inkişafı və Azərbaycanın turizm potensialı barədə geniş hesabat veriləcək. Forumda plenar tematik sessiyalar keçiriləcək, kofe-breyk, işgüzar nahar zamanı iştirakçıların işi və ünsiyyəti üçün əlavə imkanlar nəzərdə tutulub.

IX Beynəlxalq “Caspian Energy Forum Baku – 2019”un tərəfdaşları sırasında, həmçinin “Azpetrol ltd”, “ AzəriKard” MMC və “AzerTelecom” var.

Forumda iştirak üçün qeydiyyat: “http://caspianenergyforum.com

“ICODS Hilmer GMBH” 2008-ci ildən Almaniyanın “GEA Farm Teсhnologies” şirkətinin rəsmi idxalçısıdır. “GEA Farm Teсhnologies” heyvandarlıq və emal sənayesinin inkişafı və bu sahələrdə innovasiya texnologiyalarının tətbiqi üzrə dünya liderlərindən biridir. “ICODS” şirkəti Azərbaycanda aqrosənaye kompleksinin inkişafına böyük töhfə verib, 2019-cu ilədək 7 nəhəng heyvandarlıq fermasını layihələndirib, avadanlıqlar yerləşdirib və yeni Avropa texnologiyaları tətbiq edib. Şirkət 2019-cu ildən bir neçə başqa brend zavodların – kənd təsərrüfatı texnikası istehsalçılarının məhsullarını və Almaniya, Avstriyanın avadanlıqlarını təklif edir. Onların sırasında torpağın şumlanması və yem hazırlanması üçün kənd təsərrüfatı qoşqu texnikasının istehsalçısı olan “Pöttinger”, enerji qurğuları istehsalçısı “Weidemann”, bioqaz qurğuları istehsalçısı “Ecogas” var. “GEA/ICODS”un Bakı ofisində mütəmadi olaraq kənd təsərrüfatında innovasiyaların tətbiqi, fermaların genişləndirilməsi və yenidən qurulması, həmçinin yeni fermaların yaradılması, yem, süd və ət istehsalının səmərəliliyinin artırılması üzrə alman maliyyələşməsi ilə konsultasiya və seminarlar təşkil olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.