ELM VƏ TƏHSİL


İkinci Dünya müharibəsində Belarus cəbhəsində döyüşmüş azərbaycanlılar haqqında kitab hazırlanacaq

Bakı, 7 sentyabr, AZƏRTAC

AMEA-nın Milli Azərbaycan Tarixi Muzeyində (MATM) Belarus jurnalist-yazarları Larisa Kuçerova və Dmitri Koşevar ilə görüş olub.

Muzeydən AZƏRTAC-a bildiriblər ki, görüşdə İkinci Dünya müharibəsində Belarus cəbhəsində döyüşmüş azərbaycanlılar haqqında kitab hazırlanması məsələsi müzakirə olunub.

MATM-ın baş direktoru akademik Nailə Vəlixanlı muzeyin kitabın hazırlanmasına dəstək göstərəcəyini diqqətə çatdırıb. Bildirilib ki, muzeyin fondlarında hazırlanacaq kitab üçün bir çox əhəmiyyətli materiallar mövcuddur.

Larisa Kuçerova İkinci Dünya müharibəsi zamanı azərbaycanlıların Belarus uğrunda qəhrəmancasına döyüşdüyünü və Belarus xalqının bunu heç vaxt unutmayacağını vurğulayıb.

Sonra belaruslu qonaqlar muzeyin ekspozisiyası, “Anadır arzulara hər zaman Qarabağ”, “Nizami Gəncəvi və Azərbaycan Atabəyləri dövləti” adlı sərgilər ilə tanış olublar. Onlara muzeyin nəşrləri təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.