REGİONLAR


İmadəddin Nəsiminin işığında

Sumqayıt, 20 aprel, Ətrabə Rzayeva, AZƏRTAC

Sumqayıtdakı Uşaq Gənclər İnkişaf Mərkəzində “Nəsimi ili”nə həsr olunmuş bədii qiraət gecəsi keçirilib. Şəhər Gənclər və İdman Baş İdarəsi, Gənclər Klubu və Musiqi Kollecinin birgə təşkil etdiyi tədbir İmadəddin Nəsiminin 650 illiyinə həsr olunub.

AZƏRTAC xəbər verir ki, Baş İdarənin Gənclərlə iş sektorunun baş məsləhətçisi Pərvin Rəsulov tədbirin dahi şair İmadəddin Nəsiminin 650 illiyinin qeyd olunması ilə yanaşı, istedadlı və yaradıcı gənclərin öz qabiliyyətlərini nümayiş etdirmələri üçün şəraitin yaradılması, asudə vaxtın səmərəli təşkili məqsədilə keçirildiyini bildirib. Qeyd olunub ki, dövlət başçısının müvafiq sərəncamı ilə bu il “Nəsimi ili” elan edilib, respublikanın bütün bölgələrində, o cümlədən də Sumqayıtda dahi şairin 650 illiyinə həsr olunmuş silsilə tədbirlər keçirilir.

Sonra İmadəddin Nəsiminin həyat və yaradıcılığı haqqında məlumat verilib, qısa film nümayiş etdirilib.

Tədbirdə Sumqayıt Musiqi Kollecinin tələbələri Nəsiminin qəzəlləri əsasında musiqili kompozisiya nümayiş etdirib, şeirlər səsləndirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.