DÜNYA


İndoneziyada məhv olmuş kaşalot barədə xəbər AFR ekologiya nazirini sarsıdıb

Berlin, 3 dekabr, AZƏRTAC

Almaniyanın ətraf mühitin mühafizəsi və nüvə təhlükəsizliyi naziri Svenya Şultse deyib: “Biz plastik tullantılarla bağlı vəziyyəti kökündən dəyişməliyik”.

Nazir bu sözləri İndoneziyada məhv olmuş kaşalot barədə xəbərdən sonra keçirdiyi dərin sarsıntı ilə əlaqədar söyləyib.

AZƏRTAC xəbər verir ki, həmin kaşalotun mədəsində 6 kiloqram plastik tullantı (115 ədəd plastik stəkan, 25 ədəd sellofan paket, 4 ədəd plastik şüşə qab, 2 cüt plastmas çəkələk və başqa əşyalar) aşkar edilib.

S.Şultse deyib: “Ölkəmiz müxtəlif tədbirlərdə və beynəlxalq səviyyəli görüşlərdə çoxdan bu təşəbbüslə çıxış edir və öz strategiyasını təklif edir. Lakin bu vəziyyətin G20 və G7 çərçivəsində yalnız müzakirə edilməsi AFR hökumətini artıq qane etmir”.

Nazir plastik tullantılar üzündən ətraf mühitin çirklənməsinin qarşısının alınmasında praktiki səylərini artıracağını vəd edib. O deyib: “Mənim nazirliyim yaxın 10 il ərzində bu məqsədlə 50 milyon avro vəsait ayıracaq”.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.